Welcome to Roar Media's archive of content published from 2014 to 2023. As of 2024, Roar Media has ceased editorial operations and will no longer publish new content on this website. The company has transitioned to a content production studio, offering creative solutions for brands and agencies.
To learn more about this transition, read our latest announcement here. To visit the new Roar Media website, click here.

උතුරු කොරියාවේ සැබෑ තතු හෙළි කරන ඡායාරූප එකතුවක්

උතුරු කොරියාව පිළිබඳ බාහිර ලෝකයේ සිටින බොහෝ දෙනා දැනගන්නේ එරට නිල පුවත් ඒජන්සිය වන කොරියානු මධ්‍යම පුවත් ඒජන්සිය හෝ වෙනත් රාජ්‍ය මාධ්‍යයක් හෝ පළ කරනු ලබන ඡායාරූප මගින් පමණයි. උතුරු කොරියාව ඉතා සීමා සහිත සංචාරකයින් ප්‍රමාණයකට එරටට පැමිණෙන්න ඉඩ දුන්නත් එ්වා ඉතාම දැඩි කොන්දේසි සහිතව කෙරෙන ගමන් වාර වනවා. තනි තනිව සංචාරකයන්ට උතුරු කොරියාවේ ගමන් කරන්නට අවසර නැහැ. එමෙන්ම එරටින් ඡායාරූප පිටතට ගෙන ඒමත් ඉතා අපහසුයි.

2016 දී මේ අපහසු කටයුත්ත සිදු කිරීමට ඡායාරූප ශිල්පී මයිකල් හුනිවිට්ස් සමත් වුණා. මෙම ඡායාරූප උතුරු කොරියානු ජන ජීවිතය පිළිබඳ මනා පැතිකඩක් ලබා දෙනවා. ඔහුගේ ඡායාරූප එකතුවෙන් ඡායාරූප කිහිපයක් පිළිබඳ ඔබට විස්තර කිරීමට අප කල්පනා කළා.

උතුරු කොරියාවට චීනය දෙසින් ඇතුලු වන මුරපොළේදී ඉදිරිපත් කෙරෙන ලියවිල්ලක්. මෙහිදී රට තුළට ගෙන යාමට තහනම් ද්‍රව්‍ය අැත්දැයි බැලීමට සෝදිසියක් කරනු ලබනවා. ලැප් ටොප් පරිගණක ද සෝදිසි කෙරෙන අතර උතුරු කොරියාවේදී තහනම් චිත්‍රපට සඳහා ද පරීක්ෂා සිදු කරනවා.

සංචාරකයන් ඇතුලු වන ඩන්ඩොං දුම්රියපොළෙහි වූයේ කිහිප දෙනෙකු පමණි.

මයිකල් ගමන් ගත් දුම්රිය යන තුරු බලා සිටින ගැමියන් කිහිප දෙනෙක්.

පැරණි ට්‍රක් රථයක නැගුණු සොල්දාදුවන් කිහිප දෙනෙක්.

සැතපුම් ගණනක් ඈතට දිවෙන කුඹුරු යායවල්.

කුඩා නගරයක පැරණි නිවාස.

ප්‍යොංග්යෑංග් අගනුවර දුම්රිය ස්ථානය . මයිකල් පවසන්නේ හොඳින් ඇඳ පැළඳගත් මෙම උතුරු කොරියානුවන් අරමුණක් නැතිව ඔබ මොබ යන්නේ සංචාරකයන්ට පෙනෙන ලෙසින් පමණක් බව පැහැදිලිව පෙනුණ බවයි.

ප්‍යොංග්යෑංග් නගරයේ “ජනාකීර්ණ” දසුනක්.

රථවාහන පොලිස් නිලධාරිනියක් රාජකාරියේ නියැලෙමින්. ප්‍යොංග්යෑංග් හි පුළුල් වීථි තිබුණ ද ඒවායේ රථ වාහන ඇත්තේ අතලොස්සකි.

හෝටලයේ විමසීම් කවුන්ටරය අසළ රූපවාහිනී තිරයේ ද දිස් වන්නේ ප්‍රචාරක පටයකි.

ප්‍යොංග්යෑංග් නගරය.

උතුරු කොරියානු නායක කිම් ජොංග් – අන්ගේ සීයා වූ උතුරු කොරියාවේ “සදාතනික නායක ” කිම් ඉල් – සුංග් සහ කිම් ජොංග් – අන්ගේ පියා වූ කිම් ජොංග් – ඉල්ගේ විශාල ප්‍රමාණයේ ප්‍රතිමා.

ස්මාරක භූමියක් පිරිසිදු කරන තරුණියන් පිරිසක්.

ප්‍යොංග්යෑංග් හි සාප්පු සංකීර්ණවල රාක්ක බොහොමයක් හිස් ය .

තට්ටු නිවාස සංකීර්ණ.

බස් රථයක්.

හිස් ආසනවලින් “පිරුණ” අවන්හලක වේටර්වරියක්.

Cover Image සොල්දාදුවකුගේ සුපරික්ෂාව යටතේ මාර්ගයක් පිරිසිදු කරන කාන්තාවන්.

Related Articles